“Xoldra na eira” é un espectáculo multidisciplinar, no que se amalgaman a través dunha historia, melodías eternas creadas polo pobo, e que expresan vivamente, os ideais da súa alma e as paixóns do seu corazón… Eses aires, estupendamente harmonizados e axustados, para levar a cabo pola banda de música, a banda de gaitas, as voces e o baile, explotan esa rica canteira de materiais para a construción do magno edificio, que demanda a música galega: xugosa, emotiva, espiritual… que abarca no seu ámbito, desde as humorísticas cancións, ata as que expresan as máis dramáticas paixóns.
Un espectáculo máxico que fará que os máis maiores lembren momentos de outrora e que os máis novos coñezan a través da música nosas raíces.
As entradas poderanse retirar na Escola de Mùsica ata o Xoves 17. Prezo 5,00 €. E a partir das 19:30 nas taquillas do Auditorio.
